|
Abla Ebey Weqeside Qolgha Élinghanlarning Aqiwiti
< Sherqiy Türkistan Informatsiyon Merkizi > ning deslepte bergen hewiride, buyil 2 – ayning 3 – küni Hoten wilayetlik ottura sot mehkimisi höküm élan qilish yighini chaqirip, Hoten rayonidiki milliy heriketlerning rehberliridin hisaplanghan Abla Ebeyni < terorchi, milliy bölgünchi, milletler ittipaqliqini buzghuchi, döletni parchilashqa urunghan unsur > digendek böhtanlar bilen muddetsiz qamaq jazasigha höküm qilghanliqi we Abla Ebey bilen alaqisi bar dep guman qilghan 400 din artuq Uygur yashni qolgha alghanliqi bayan qilinghan idi.
< Sherqiy Türkistan Informatsiyon Merkizi > yuqarqi weqeni yenimu inchikilep tekshürüsh arqiliq, Abla Ebey bilen birge qolgha élinip, 2 – ayning 5 –künidin 15 –künigiche bolghan ariliqlarda türlük qamaq jazalirigha höküm qilinghan bezi Uygurlarning tizimlikini qolgha chüshürdi. Ular Töwendikilerdin ibaret:
1. Abdurehim Yoldash, 29 yash, Hoten nahiyisining Tewekkül yézisi Atbeshi kentidin, diniy terbiye körgen bolup, yéziqchiliq jehette belgilik sewiyege ige, Hitay hökümitining eyipnamisida bayan qilinishiche Abdurrahim Yoldash milliy musteqilliq mezmon qilinghan 600 betlik sheir yazghan we yazghan sheirlirining bir qismi saqchi dairlirining qoligh chüshüp qélip ikki ay qamalghandin kéyin qoyup bérilgen we izchil halda nazaret astigha élinip kelgen, kéyin Hitay saqchi dairliri uni yene qolgha elip türmige tashlighan we 17 yilliq qamaq jazasigha höküm qilghan.
2. Ehmet Eli, 28 yax, Hoten nahiyisining tewekkül yezisi atbeshi kentidin, heli yuquri diniy sewiyege ige bolup, Uygur yashlirigha dini telim – terbiye bérish bilen shughullanghan, u, 1989-yili Hitayning zulmigha qarshi shoar yezip chaplighini üchün qolgha élinip 70 kün qamalghan, qoyup bérilgendin keyinmu saqchilar teripidin dawamliq nazaret astigha élinghan. Keyin umu Hitay saqchiliri teripidin < Abla ebey bilen chetishliqi bar > digen qurup guman bilen qolgha élinip türmige tashlanghan we hechbir delil – ispatsizla 17 yilliq qamaq jazasigha höküm qilinghan.
3. Abla Qasim, 38 yash, Hoten nahiyisining Tewekkül yézisi Atbéshi
kentidin, Hitay saqchi dairliri Abla Qasimni < ichki ölkilerdin Xinjianggha yan qoral yötkigen, Abla Ebey bilen birliship qol bommisi yasighan > digen töhmet bilen qolgha alghan we hechbir delil ispatsizla sot mehkimisi teripidin 13 yilliq qamaq jazasigha höküm qilinghan.
4. Memet Tohti Abduqadir, 39 yax, Hoten nahiyisining Tewekkül yéza Qatqa kentidin, Memet Tohti Abduqadir ilgiri, < hökümetke qarshi qutiratquluq qilghan > digen böhtan bilen köp qétim qolgha élinip tutup turulghan we qoyup bérilgendin keyinmu saqchilarning nazariti astida turup kelgen. Keyin saqchi dairliri unimu < Abla Ebey bilen chetishliqi bar > dep guman qilip qolgha alghan we Hitay sot mehkimisi teripidin 17 yilliq qamaqjazasigha höküm qilinghan.
5. Nebi Yüsüp, 23 yax, Hoten nahiyisining Tewekkül yézisi Atbéshi kentidin, umu Hitay saqchiliri teripidin < abla ebey bilen birliship qol bombisi yasighan > digen quruq töhmet bilen qolgha élinghan we 7 yilliq qamaq jazasigha höküm qilinghan.
6. Ehmet Memtimin, 17 yash, Hoten nahiyisining Tewekkül yézisi Atbéshi kentidin, saqchi dairliri uni < Abla Ebeyning gurohigha qatniship eksilinqilawi teshwiqat anglighan > digen töhmet bilen qolgha alghan we Hitay sot mehkimiliri teripidin 6 yilliq qamaq jazasigha höküm qilinghan.
< Sherqiy Türkistan Informatsiyon Merkizi > ning igellishiche, yuqurida türlük eghir qamaq jazalirigha höküm qilinghan Uygur yashlirining hemmisila quruq töhmet bilen qolgha élinghanlar bolup, sot mehkimilirining qolidimu tüzük bir delil – ispat yoq iken. |
