Dunya Uygur Ahbarat Tori 2001

Ili Rayonida 50 din Artuq Uygur Quruq Töhmet Bilen Tutqun Qilindi

< Sherqiy Türkistan Informatsiyon Merkizi > ning wetendin biwaste alghan ahbaratigha asaslanghanda, buyil 3 – ayning 28 – küni Ili rayonida < ishlepçiqirish qurulush bingtüeni > ge tewe bir Hitay puhrasi tuyuqsiz öltürülgen. Weqedin kéyin Hitay saqçi dairliri gumanini Uygurlargha merkezleshtürgen we Hitay puhrasi öltürülgen mehelle etrapida omomi yüzlük ahturup tutush herikiti bashlap, 1997 – yilidiki < 5 – fewral > Gulja weqesige qatniship qolgha élinip kéyin qoyup bérilgen we gumanlik dep qaralghan 50 din artuq Uygurni qolgha élip türmige tashlighan. Saqçi dairliri < qatil > ni tépish üçün, qolgha élinghan bu Uygurlarni 3 kün boyiçe tayaq – toqmaqlar bilen qattiq urup qiynap soraq qilghan. 3 kündin kéyin Bingtüenning yerlik saqçiliri razwitka qilish arqiliq, heqiqi qatilning içkiridin éqip çiqqan bir aqqqun Hitay ikenlikini pash qilghan. Qatil qolgha çüshkendin kéyin, Hitay saqçi dairliri deslepte quruq töhmet bilen qolgha élinghan 50 din artuq Uygurni qoyup bérishke mejbur bolghan. Emma, birqançe künlep qiyin – qistaqqa uçrighan bu biçare Uygurlar jismani we rohi jehette qattiq zerbige uçrighan.