|
Qeshqerdiki Qoralliq Toqunushning
Tepsilati
Hörmetlik wetendashlar, merkizi orgini Germaniyediki < Sherqiy Türkistan Informatsiyon Merkiz > buyil 2 – ayning 24 –küni Qeshqer rayonida musteqilliq küchliri bilen Hitay saqchiliri otturisida shiddetlik qoralliq toqunush yüz bergenliki, Feng Tao isimlik bir hitay saqchining we Memetjan isimlik sotchining milliy mujahitlat teripidin öltürülgenliki heqqide hewer bergen idi.
< Sherqiy Türkistan Informatsiyon Merkizi > mezkur weqeni yenimu ichkirligen halda tekshürüsh arqiliq, bu qétim Qeshqerde yüzbergen hadisining tepsilatini éniqlap chiqti.
Informatsiyon merkizining igellishiche, milliy qarshiliq körsütüsh küchliri teripidin deslepte öltürülgen Memetjan isimlik sotchi 40 yeridin chanilip 36 parche qiliwetilgen. Sotchi Memetjanning jesidi uruq – tuqqanlirigha körsütülgende, uning taghinising yürek kesili qozghulup kétip neqmeydandila jan üzgen.
Aldinqi qétimqi hewerlirimizde bayan qilinghinidek, Memetjan isimlik sotchi ilgiri atushning Barin yézisida wezipe ötigen bolup, 1990 – yili yüzbergen < Barin dehqanlar qozghilingi > gha qatnashqan 26 neper bigunah déhqanni sotlashqa qatniship, bu 26 Uygurni ölüm jazasigha höküm qilip atquzghan idi.
Buqétim Qeshqerning Pahtekli yézisida yüz bergen qoralliq toqunushta milliy qarshiliq körsütüsh küchliri tereptin Memet Eli isimlik mujahit neq meydanda Hitay saqchiliri teripidin étip öltürülgen. Hewerlerge qarighanda bu yashning janbazliqtin hewiri bolup, yénigha 50 tane pichaqni élip yüridiken. Bu qétimqi élishishta Memet Eli köpligen saqchilargha pichaq étip yarilandurghan, uning inisimu buqétimqi toqunushta akisi bilen birge yer alghan. Toqunush jeryanida Feng Taoisimlik Hitay saqchi mujahitlargha qarap, < bizde qoral yoq > dep waqirap qoyup, Memet Eli yéqinlap kelgende tuyuqsiz uninggha oq chiqirip étip öltürgen. Memet Elining inisi 7 neper sebdishi bilen muhasirini bösüp ötüp Atushning üstün atush yézisigha qechip chiqip, keynidin qoghlap kelgen saqchilar bilen yene élishqan we bu qétimqi élishishta akisining qatili Feng Tao isimlik saqchini mengisige étip öltürüp akisining qisasini alghan. Behitke qarshi Memet Elining inisining boynigha oq tégip éghir yarilinip qolgha chüshüp qalghan. U gep qilalmighachqa, saqchilar uni soraq qilip bir éghizmu gep alalmighan we uni 4 – ayning 1 – küni étip öltürüshni qarar qilghan.
Bu qetimqi toqunushtin kéyin, musteqilliq küchliri teripidin deslepte öltürülgen Memetjan isimlik sotchining ailisidikiler pahteklidiki toqunushta shehit bolghan Memet Elining öyige basturup kelip, < balanglar, tuqqinimizni öltürdi, tölem tölep berisiler > dep öktemlik qilghan.
Muhemmet elining oyidikiler, < pulning hemmisini Muhemmet Elining inisi elip ketken, öyde pul Yoq > dise, ular éghilda 12 ming yuan ( 1500$) ge yaraydigha ikki inekni élip ketmekci bolup qaytip ketken, etisi ular inekni alghili kelse Muhemmet
Elining öyidikiliri bashqa bu kün keldi, élip ketsenglar kétinglar, kala éghilda digen, éghilgha
kirip qarisa Allaning teqdiri bilen her ikki inek haram bolup qalghan, shuning bilen Memetjanning öyidikiler quruq qol qaytixqa mejbur bolghan.
|
