|
Shayarda Çong Tutqun
Bashlandi
< Sherqiy Türkistan Informatsiyon Merkizi > ning muhbiri Gültekinning wetendin biwaste yollighan ahbaratigha asaslanghanda, Hitay hökümiti yéqinqi mezgillerdin buyan Sherqiy Türkistanning Shayar nahiyiside, < qanunsiz halda qoral – yaraq yasighan we saqlighan > digen töhmet bilen köpligen Uygurlarni tutqun qilip türmige tashlighan.
Deslepki melumatlargha qarighanda, Hitay saqçi dairliri teripidin tutqun qilinghan bir qisim Uygurlarning isim –familisi we tutqun qilinish sewebi töwendikiçe:
1.Rahman Barat, 55 – 60 yash etrapida bolup, Shayar nahiye baziridin, kespi piçaqçi;
2.Ehet Rahman, 35 yash, Rahman Baratning oghli; Hitay saqçi dairlirining bayan qilishiçe ularning öyidin yerlik usolda yasalghan 200 dane bomba tépilghanmish;
3.Rozi Semet, 65 – 70 yashlar etrapida bolup, Shayar nahiisining nurbagh yézisidin;
4.Semet Rozi, Rozi semetning oghli bolup, 35 yash etrapida;
Hitay saqçi dairlirining bayan qilishiçe yuqarqi ikki aililik Uygurning öyidin yerlik usolda yasalghan 200 dane bomba, 36 tane qeliç, 2 tane yan qoral tépilghanmish;
5.Siyit Qasim, 30 yash, Shayar nahiyisining nurbagh yézisidin, saqçi dairlirining bayan qilishiçe uning öyidin 500 dane bomba we birneççe tal yan qoral tepilghanmish;
6.Yasin Ehet, 25 yash, Shayar nahiyisidin, Hitay saqçi dairliri uni < milliy bölgünçilerning bomba we qoral – yaraq yasishi üçün tömür matiriyali bilen teminlep bergen > digen sewep bilen qolgha alghan;
7.Qasim Qayim, 22 – 23 yashlar etrapida, < qoral – yaraq yasashqa yardemleshken > digen sewep bilen qolgha elinghan;
8.Rehmet Tömürçi, 30 yash, Shayar nahiyisining qaylo yézisidin, saqçi dairliri teripidin < 50 pay oq we qoral yasighan > digen töhmet bilen qolgha élinghan;
Yuqarqi 8 neper kishi yéqinda Shayar nahiyiside qolgha élinghan Uygurlarning peqetla az bir qismi bolup, < Sherqiy Türkistan Informatsiyon Merkizi > bu heqte yenimu inçikilep tekshürüsh élip barmaqta.
|
