|
Bir Uygur Siyasi Mehbusning Béshigha Kelgen Külpetler
Sherqiy Türkistanda Yasin Kiwir isimlik bir Uygur yashning béshigha kelgen külpetler, Kommunist Hitay hakimiyitining we uning sadiq ghalçilirining nöwette Sherqiy Türkistan helqining insani heq – hoqoqlirini neqeder éghir derijide depsende qiliwatqanliqini, shundaqla Uygur helqining insaniyet terihida héç körülüp baqmighan éghir horluqlargha duçar qiliniwatqanliqini ispatlap turmaqta.
< Sherqiy Türkistan Informatsiyon Merkizi > ning wetendin biwaste alghan melumatigha asaslanghanda, Bügür nahiyisining çumpaq yéza 4 - kentidin Yasin Kiwir isimlik Uygur yash peqetla qanun yol qoyghan daire içide normal diniy paaliyet bilen shughullanghanliqi üçünla Hitay hökümiti teripidin 2000 – yili 6 –ayda < qanunsiz diniy paaliyet bilen shughullandi > digen töhmet bilen qolgha élip türmige tashlighan. Yasin kewir türmide 3 ay qiyin – qistaqqa élinghandin kéyin, Hitay hökümiti uning dadisigha 3 ming yüen jerimane tölitip qoyup bergen. Bu biçare yash türmidin qurtulup yézisigha qaytip kelishi bilenla kenitning partikom sekritari uni tutup ishhanisigha soluwelip, hayatida héç haraq içip baqmighan bu étiqatçi yashqa tehdit sélip mejburi halda haraq içürgen we, < buningdin kéyin haraq içisen, jüme namizigha barmaysen, bashqilarni dindin waz keçishke dewet qilisen, eger buyrughinimizni qilmisang yene türmige apirip berimen > dep tehdit sélip qoyup bergen.
< Sherqiy Türkistan Informatsiyon Merkizi > ning wetendin igellishiçe, hazir Hitay hökümiti Sherqiy Türkistanning herqaysi rayonlirida étiqatçi ammigha qarita türmige solash, qiynash, öltürüsh, tehdit sélish, iqtisadi jehettin éghir jerimane qoyup ailisini haniweyran qilish .... qatarlik türlük wastilarni qollunup, ularni diniy étiqatidin waz keçishke qistimaqta.
|
