|
Hitay Hökümiti Sherqiy Türkistan Musulmanliri Bilen Falungong Muridliri Otturisida Öçmenlik Peyda Qilishqa Urunmaqta
Öz hewirimiz: „ Xinjiang geziti „ ning yéqinqi sanida hewer qilinishiçe, Hitay hökümiti her derijilik islam jemiyetlirining mesulliri we diniy zatlardin bolup 200 din artuq kishini Ürümçige toplap yighin çaqirip, ularni Falungong teriqitini küresh qilishqa orunlashturghan we bu heqte mehsus teshebbusname elan qildurghan. Hitay hökümitining bu arqiliq Sherqiy Türkistan musulmanliri bilen Falüngong muritliri otturisida öçmenlik peyda qilishqa uruniwatqanliqi çetellerdiki Uygurlar içide küçlük inkas qozghidi. Bu weqe munasiwiti bilen Mushu ayning 21 – küni merkizi orgini Germaniyening Münçen shehridiki „ Sherqiy Türkistan Informatsiyon Merkizi „ ning reyisi we „ Sherqiy Türkistan ( Uyguristan ) Milliy Qurultiyi „ ning muawin reyisi Abdujelil Qaraqash ependi Amerika „ Erkin Asiya Radiyosi „ ning muhbirining ziyaritini qobul qilghanda, U, kommunist Hitay hakimiyitining bu siyasi neyringini qattiq eyiplidi we Sherqiy Türkistan helqini Hitayning siyasi süyqestidin hushyar turushqa çaqirdi.
Abdujelil Qaraqash ependining „ Erkin Asiya Radiyosi „ da qilghan sözining toluq tekisti töwendikiçe:
„ Nöwette kommunist Hitay hökümiti Sherqiy Türkistandiki islam diniy teshkilatlirigha Falüngong teriqitini tenqitlesh wezipisini yükligen, informatsiyon merkizi bolush süpitimiz bilen Hitay hökümitining bu heqtiki siyasitini yéqindin küzitip kéliwatimiz.
Méning qarishimçe, Hitay hökümitining buhil siyasitining arqisigha nahayiti çong bir süyqest yoshurulghan. Hitay hökümitining bu jehette érishmekçi bolghan tüp meqsidi – Sherqiy Türkistandiki musulman helq bilen Falüngong muritliri otturisida ziddiyet we toqunush yaritip, ohshash bolmighan ikki hil diniy étiqatqa ige helqler otturisida öçmenlik tuyghusi peyda qilishtin ibaret. Elwettiki bu, Sherqiy Türkistan helqining hushyarliqini ashurushigha tégishlik jiddi bir mesilidin ibaret. Yene shundaqla Hitay hakimiyitining Sherqiy Türkistandiki islam teshkilatlirigha Falüngong teriqitini tenqitlesh wezipisini yükligenkili, ularning Sherqiy Türkistandiki diniy saheni özlirining rezil siyasi meqsidi üçün hizmet qilishqa mejburlawatqanliqining janliq ispatidin ibaret.
Köpçilikke melum bolghinidek, Sherqiy Türkistandiki islam diniy jemiyetliri we teshkilatliri heçbir zaman özlirining esli fonkisiyonini heqiqi yosunda jari qildurup baqqini yoq, gerçe bu teshkilatlarning qeghez üstide bayan qilinghan wezipisi, Sherqiy Türkistandiki étiqatçi amma üçün hizmet qilish, musulman ammisining diniy étiqat erkinlikige kapaletlik qilish bolsimu, emma kommunist Hitay hakimiyiti bu teshkilatlarni islam diniy bilen tamamen qarimu – qarshi bolghan kommunistik ang we idologiyeni teshwiq qilish we uni muhapizet qilishqa sélip kelmekte. Hitay hökümiti bu teshkilatlarni qizilpaçaqlar we çala mollilarning uwisigha aylandurup, heqiqi diniy zatlarni çetke qéqip we ulargha zerbe bérip, Sherqiy Türkistanda diniy étiqatning yoqulushi üçün hizmet qildurupkelgeçke, Nöwette islam diniy teshkilatlirining helqimiz içide héçbir étibari qalmidi, eksiçe helqimizning lenitige uçrap kelmekte. Dimek, islam diniy teshkilatliri Sherqiy Türkistandiki étiqatçi heliqqe hergiz wekillik qilalmaydu. Bu teshkilatlarning Falüngongni tenqitlishi Hitay hakimiyitining teshwiqatlirida bayan qilin’ghinidek qandaqtur „ diniy sahening Falüngonggha qarshi herikiti „ emes, belki kompartiyening bir siyasi orgining Falüngonggha qarshi herikitidin ibaret.
Men ahirida shuni eskertip ötmekçimenki, diniy étiqat erkinliki - insanlarning eng asasliq heq – hoqoqlirining biri bolup, bügünki insaniyet dunyasida ohshimighan diniy étiqattikiler bir – birining étiqatigha hörmet qilip kelmekte. Shunga Sherqiy Türkistan helqi kommunist Hitay hakimiyitining siyasi neyringidin hushyar turushi kerek. Çünki Hitay hakimiyiti Falüngong teriqitige qaratqan çeklesh we basturush siyasitini 50 yildin köpirek waqittin buyan helqimizge qarita yürgüzüp kéliwatidu, biz buningdin sawaq élishimiz lazim „.
|
