Dunya Uygur Ahbarat Tori 2001

< Sherqiy Türkistan Informatsiyon Merkizi > ning wetendin alghan deslepki melumatigha asaslanghanda, yéqinqi künlerdin buyan Ili rayonida Hitay hökümitining milliy oqutquçilarni sürgün qilishni meqset qilghan atalmish < tarqaqlashturush > siyasitining qurbanigha aylanghan köp sandiki Uygur oqutquçilar her derijilik maarip idarilirining aldigha toplunup, Hitay hökümitining bu qilmishigha naraziliq bildürüshke bashlighan. Bu seweptin hazir Ili rayonining maarip sahesini birhil jiddilik we dawalghuç qaplighan.
Hewerlerge qarighanda, yéqinqi mezgillerdin buyan Hitay hakimiyiti Ili rayonining maarip saheside siyasi tazilash élip berip, köpligen yaramliq yash Uygur oqutquçilarni < tarqaqlashturush > digen niqap astida yéza –qishlaq we bashqa yurtlargha sürgün qilishqa bashlighan. Hitayning bu qilmishi tüpeylidin, heli köpligen milliy oqutquçilar öy we yurt – makanliridin ayrilip haniweyran bolupla qalmastin, belki milliy maarip sahesining narmal oqutush ishlirinimu éghir derijide aqsatqan.