|
Qeshqer Weqesi Türk
Metbuatida
Öz hewirimiz: Yéqinda Qeshqerde bir Hitay saqchi bilen bir Uygur sotchining milliy mujahitlar teripidin öltürülgenliki we Qeshqer rayonida milliy mujahitlar bilen Hitay eskerliri otturisida qoralliq toqunushlarning küchüyüp ketiwatqanliqi heqqidiki hewer, < Türkiye > gezitining buyil 3 – ayning 3 – künidiki sanida tepsili hewer qilindi.
< Türkiye > geziti, Qeshqerde yüz bergen weqelerni, < Sherqiy Türkistan Informatsiyon Merkizi > ning mezkur weqe heqqide élan qilghan ahbaratini neqil keltürüp, < Nöwette Sherqiy Türkistanda yüz bergen qoralliq toqunushlarning, 1990 – yili Hitay eskerliri teripidin basturulghan Barin weqesi bilen munasiwetlik ikenliki otturigha chiqti > digen maozu astida hewer qildi. Hewerning yan teripige, Qeshqer heytkar jamisining omomiy körünüshi ekisettürülgen bir parche fotogirap qoyuldi.
< Sherqiy Türkistan Informatsiyon Merkizi > ning reyisi Abdujelil Qaraqash ependi < Türkiye > gezitining Mğnchenda turushluq muhbirining ziyaritini qobul qilghanda, Qeshqer rayonida yüz bergen weqeler heqqide tepsili izahat berish bilen birge, Sherqiy Türkistanning omomi siyasi weziyiti heqqidimu etirapliq melumat bérip ötti.
|
