Dunya Uygur Ahbarat Tori 2001

Sherqiy Türkistan Informatsiyon Merkizining muhbiri Abdulla Pamirning 2001- yili 2 – ayning 24 – küni wetendin biwaste yollighan hewiri:

Buyil 2 – ayning 20 – küni Qeshqerde Uyghur musteqilliq küchliri bilen Hitay saqchiliri otturisida yüz bergen shiddetlik qoralliq toqunushta 26 yashliq Hitay saqchi Feng Tao neq meydanda musteqilliq küchliri teripidin étip öltürülgen. Bu qétimqi toqunushta yene bir qanche neper saqchi yarilanghan, yarilanghanlarning ichide Erkin isimlik Uyghur saqchimu bar iken.
Buqétimqi toqunushning kélip chiqish sewebi mundaq bolghan:
Bir heptidin köpirek waqittin buyan Qeshqer rayonida musteqilliq küchlirining paaliyetliri pewquladde janlinishqa bashlighan bolup, yéqinda aldi bilen 
Toqquzaq nehiye helq sott mehkimisining qizilpachaq sotchisi kadiri Muhemmet Uyghur musteqilliq küchliri teripidin pichaq bilen öltürülgen we uning Qeshqer sheherlik Pahtekli yézisining pilanliq tughut ishhanisida ishleydighan ayalimu éghir yaridar qilinghan.
Musteqilliq küchliri bu weqedin kéyin derhal Qeshqerge chegra bolghan Atush rayonidiki taghlargha chékingen. 2 – ayning 20 – küni Bir gurup Hitay saqchiliri ularni tutush üchün qoghlap barghanda, saqchilar bilen musteqilliq küchliri otturusida bir meydan shiddetlik qoralliq toqunush yüz bergen. Bu toqunushta nehmeydanda Fing Tao isimlik bir Hitay saqchi musteqilliq küchliri teripidin méngisige bir pay oq bilen étip öltürülgen we bir qanche saqchi yaridar bolghan. Yaridar bolghanlar ichide Erkin isimlik Uyghur saqchimu bar iken. Bu qétimqi toqunushtin kéyin, 22 – Fiwral küni Qeshqer Maralbeshi nahyeside Hitay saqchiliri bilen musteqilliq küchliri otturisida yene chong qoralliq toqunush yüzbergen, bu ariliqta Qeshqer rayoni yéngi sheher nahyeside bir neper Hitay köchmini namelum kishiler teripidin öltürülgen.
23 – Fiwral yéngisheher nahiyilik hökümetning aldigha namelum kishiler teripidin gézitke oralghan 3 tal oq qoyup qoyulghan.
2 – ayning 22 – küni Qeshqer sheherlik saqchi idarisi Hitay saqchi Feng Tao üchün heshemetlik depne murasimi ötküzgen. Buqétimqi depne murasimigha Qeshqer wilayitining yuquri derijilik partiye, hökümet, herbiy emeldarliri we her derijilik mensepdarlar qatnashqan. Hitay hökümiti depne murasimini heywetlik körsütüsh üchün, Qeshqerning herqaysi zawut, kann – karhana we idare – jemiyetlerning ishchi – hizmetchilirinimu merburi halda matem yighinigha qatnashturghan. 
< Sherqiy Türkistan Informatsiyon Merkizining yuqarqi hewiri Hitay hewer agentliqliri teripidinmu toghrilandi. 2 – ayning 21 – küni < Zhunggo Hewer Agentliqi > teripidin bérilgen hewerde, musteqilliq küchliri teripidin étip öltürülgen Feng Tao isimlik saqchigha atalmish < Xijing Uygur Aptonom Rayon siyasi qanun kometiti > ning bashliqi we < Aptonom Rayonluq Jamaet Hewpsizlik Idarisi >ning bashliqi Jang Shüning teripidin < 1 – derijilik qehriman > dep nam bérilgenliki bayan qilindi. 
Hewerlerge qarighanda Hazir Qexqer rayonida weziyez nahayiti jiddi bolup, herbi halette turmaqa.