Dunya Uygur Ahbarat Tori 2001

Öz hewirimiz: Heqiqara keçürüm teshkilatining girmaniye Frankfurt shöbisi buyil 2 – ayning 19 – künidin 20 – künigiçe Frankfurt shehride Sherqiy Türkistandiki insan heqliri mesilisi heqqide mehsus yighin çaqirdi. Bu qetimqi yighingha, heliqata keçürüm teshkilati Frankfurt shöbisining tekliwige binaen, < Sherqiy Türkistan ( Uyguristan ) milliy qurultiyi > ning bash tatibi we qurultay qarmighidiki < Yawropa Sherqiy Türkistan birliki > ning reyisi Esqerjan, milliy qurultay yashlar komititining mudiri Ümit Agahi we Sherqiy Türkistanda Hitayning eghir qiyin – qistaqlirigha uçrighan hem yeqinda girmaniyege kelip siyasi panahliq tiligen Abduhelil qatarliqlardin terkip tapqan 3 kishilik bir heyet München shehridin kelip ishtirak qildi.
Heqiqara keçürüm teshkilati Frankfurt shöbisi 2 – ayning 19 – küni mezkur shöbining 30 gha yeqin hadimining ishtirak qilishi bilen içki yighin çaqirip, qurultay mesulliridin Sherqiy Türkistanning Nöwettiki omomi weziyiti heqqide tepsili melumat aldi. Bu içki yighinda qurultayning bash katibi esqerjan teklipke asasen, heliqara keçürüm teshkilatining hadimlirigha Sherqiy Türkistanning nöwettiki siyasi weziyiti, Uygurlarning siyasi seweptin tutqun qilinish hadisiliri, türmilerdiki Uygur siyasi mehbuslarning ehwali, uygurlarning türlük insani heq – hoqoqlirining Hitay hökümiti teripidin depsende qilinishi, shundaqla Sherqiy Türkistanning diniy, iqtisadi we ijtimayi weziyetliri heqqide etirapliq çüshençe berdi. Arqidinla qurultay yashlar komititining mudiri Ümit Agahi Sherqiy Türkistanning milliy maaripining Nöwettiki weziyiti heqqide melumat berdi. Ahirida, bu qetimqi yighingha shahitliq süpitide qatnashqan Abduhelil isimlik Uygur yash özining Sherqiy Türkistandiki siyasi sergüzeshtiliri we Hitay saqçi dairlirining uyghhur siyasi mehbuslargha qollanghan insan qelipidin çiqqan dehshetlik qiyin – qistaqliri heqqide emiliy misallar bilen tepsili melumat berip ötti. Heqiqara keçürüm teshkilati Frankfurt shöbisining buqetimqi içki yighini top – toghra ikki yerim saet dawam qildi. Yighin jeryanida qurultay rehberliri yene heliqara keçürüm teshkilati hadimlirining Hitay we Sherqiy Türkistandiki weziyet heqqide sorighan türlük soallirigha jawap berdi.
Ertisi küni, yeni, 2 – ayning 20 – küni heliqara keçürüm teshkilati Frankfurt shöbisi etigen saet 8.30 din, 11.15 kiçe Sherqiy Türkistan mesilisi heqqide omomi yighin çaqirdi. Yighingha, girmaniyening herqaysi saheliride hizmet qiliwatqan we Uygurlar mesilisige yeqindin qiziqip keliwatqan 100 ge yeqin oqumushluq zat, hem shundaqla türlük ammiwiy guruppilarning wekilliri ishtirak qildi.
Omomiy yighinda, heliqara keçürüm teshkilati hadimliri we milliy qurultay wekilliri yighin ehlige Sherqiy Türkistanning omomiy weziyiti heqqide tepsili melumat berip ötti. 
Yighin jeryanida girmaniyelik zatlar milliy qurultay wekilliridin, < eger musteqil bolsanglar, Sherqiy Türkistanda yashawatqan Hitay puhralirining aqiwiti qandaq bolidu? >, < Hitay hökümiti silerge yüksek aptonomiye berse buninghga nime deysiler? >, < qazaqistan we qirghizistan hökümetlirining Uygurlargha bolghan qarishi qandaq? > ... digen temilarda soallar soridi, bu soallargha milliy qurultayning bash katipi esqerjan helqimizning arzu – isteklirini çiqish nuqtisi qilghan halda jawap berdi. Esqerjan sözining ahirida, nöwette Sherqiy Türkistan helqining birdin – bir arzusining tel – töküs musteqil bolush ikenlikini, Uygur helqining, milliy musteqilliqtin bashqa heçqandaq bir teklip yaki lahiyini qobul qilmaydighanliqini alahide tekitlep ötti..