Dunya Uygur Ahbarat Tori 2001

Öz muhbirimiz Erkin Tarım hewiri: 2- ayning 17- küni Türkiyening Içel welayeti Türk Oçaklari Turk Dunyasi We Sherqiy Turkistan temisida konferans ötküzdi. Konferanske Sherqiy Turkistan Koçmenler jemiyeti muawin bashliqi Muhajirdeki Uygurlarning lideri rehmetlik Isa Yusuf Alptekin’ning oghli Arslan Alptekin, Meshhur tarihçi Hajı Yaqup Anat we Dünya Uygur Yashliri Qurulteyi Ijraiye komititining muawin bashliqi, Sherqiy Türkistan Enformasyon Merkizining Türkiye temsiljisi Erkin Tarim Yiginda söz kildi.

Mersin Türk Ojakliri Bashliki Nejati Özkaya ‘Türk Dünyası We Sherqiy Türkistan’  temisida söz qildi. U aldi bilen Türk dünyasining jograpiy hususiyetlirini etrapliq bir shekilde otturiga qoygandin keyin, musteqil bolmigan Türk milletliridin Irak Kerküktiki Türkmenler, Afganistandiki Özbekler we Sherqiy Türkistandiki Uygur, Kazak we Kırgızlarning hazirki ehwalini anglatti. O mundak dedi: ‘Bugün dünya milletlirining Türklerge qarshi Türk düşmanlığı siyaseti dawam qilmaqta, Fransiye bashçilikidiki bezi Gerip döletliri ‘Ermeni Soy Qirimi’ namida yalgan soyqirimi qararlari  çikiriwatqan künimizde, Sherqiy Türkistan’da minglarçe Uygur  öltürülüwatsa  dünya köz yummaqta. Biz Sherqiy Türkistan dawasining helqaraga tonushturush üçün qolimizdin kelgen yardemni qilimiz’ dedi.   

Arslan Alptekin „Sherqiy Turkıstan We Sherqiy Turkıstandiki Kişilik Hek We Huquqining Depsende Qilinişi“ temisida bir yerim saetlik uzun bir söz qildi. U sözide aldi bilen Sherqiy Türkistanning jograpi Orni, Sherqiy Türkistanning iqtisadi ehwali, Sherqiy Türkistanning maarip ehwali, tugut çeklesh sıyasitining Uygur ayalliri üstide keltürüp çikargan tegribatliri shundaqla bugün Hitay hökümitining Uygurlarni tarih sehnisidin yok qiliwetish siyasitini pakitlar bilen otturiga qoydi.

Meshhur tarihçi Haji Yakup Anat ‘Sherqiy Türkistan’diki ‘Milliyetçilik Hareketliri’ temisida bir saat söz qildi. U aldi bilen Sherqiy Türkistan’da milliyetçilik hareketini bashlatkan Üç Efendilerdin Mehmet Emin Bugra, Mesut Sabri  we Isa Yusuf Alptekinlerni  tonushturdi. Ularning Sherqiy Türkistan Azatlik körüşidiki yerini anglatti. U  özining 31 bir yillik Hitay turmisida taritqan azap okubetlirini pakitler bilen anglatti.

Bulardin keyin Dünya Uygur Yashliri Kurulteyi Ijraiye Komiteti muawin reisi Erkin Tarim ‘Sherqiy Türkistan Azatlik Inkilawining Ötmüshi, Hazirki Ehwali Kelgüsi’ temisida söz qildi. U ‘1949 yilida Komünist Hitaylar Sherqiy Türkistanni besiwalgandin keyin, Mehmet Emin Bugra we Isa Yusuf Alptekinlerning çetelge qeçip çikishi bilen birlikte bashligan çeteldiki musteqilliq körüshini qisqiçe anglatqandin keyin, bugün qolga keltürgen netijeler we kelgüsidiki qilishqa tegishlik ishlerni otturiga qoydi.’

Eng ahirida Içel wilayetining muawin walisi Mehmet Demir söz qildi. U mundak dedi: „pütün dünyada erkinlik shamili çikiwatkan künimizde esir yashawatkan Türk helqliriningmu mustekilliqqa ige bolidiganliqiga ishenjim kamil.“

Eng ahirida Türkiyede Sherqiy Türkistan dawasini anglitishqa töhpe qoshqan Muhbir yazguçi Hasan Orhanga, Arslan Alptekinge, Haji Yakup Anatka we Erkin Tarımga mukapat berildi. Yiginga Içel wilayeti muawin walisi Mehmet Demir, Tarsus Şehrining bashliqi Burhaneddin Kojamaz we Milliyetçi Hareket Partisi Içel Wilayeti mesulliri, Adana Türk Oçakliri mesulliri, köp sanda ahbarat hadimliri we ziyalilar we helqler bolup, 500 ‘ge yeqin kishi qatnashti.